Меню
16+

Сетевое издание «Бабаюртовские вести»

23.02.2021 11:36 Вторник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Тарихи эки агьвалатны шагьатыман

Автор: Ильмухан Апаева
Заслуженный наставник молодежи РД

Район газетни бетлеринде, 1921-нчи йылны январ айыны 20-сында Дагъыстан АССР къурулгъанлы 100 йыл битегенге байлавлу болуп, тарихи маълуматлар чыгъарылып тура.

Бизин охувубуз январ айда башланды. Шо буса Дагъыстан АССР-ни 50 йыллыгъына рас гелди. Башлап биз курсубузда байрамча ону белгиледик.

Экинчи гюн курсну ёлбашчылары, барыбызны да ресторангъа чакъырып, уллу шатлыкъ ахшамны оьтгердилер. Шо гюнгю байрам эсибизде даимге къалгъан. Советлер Союзунда патриот ругьда тарбиялангъан бизин юреклерибиз сююнчден толду. Оьз Ватаныбыз учун оьктем болдукъ.

Арадан 50 йыл гетип, магъа Дагъыстан АССР-ни бирдагъы бир юбилейин къаршылама насип болду. Озокъда, о заманны ичинде кёп зат алышынды, адамланы яшаву тюрленди. Советлер Союзу да тозулуп, бизин гиччи Ватаныбыз Дагъыстан да Россияны субъектинде республика деп саналды. Амма, Дагъыстан оьзюню бай тарихин, къонакълыкъ адатын, уллулагъа абурсый этегенлигин тас этмеген. Булар бары да наслудан наслугъа бериле геле. Жамият арадагъы бирлик, татывлукъ районубузну жамият-экономика оьсювюне аслам къошум эте деме ярай.

Макъаламны ахырында ватандашланы Дагъыстан АССР къурулгъанлы 100 йыл битгени булан гьакъ юрекден къутлай туруп, савлукъ, насип ёрайман. Яшёрюмлеге яшавну тюз ёлларында юрюмеге, аталаны насигьатына амин болуп, Ватанын сююп, уллулагъа рагьму, абур-сый булан янашмакъны ва юреклерине тутгъан муратларына етишмекни ёрайман.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

11