Меню
16+

Сетевое издание «Бабаюртовские вести»

23.02.2021 11:41 Вторник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Звеночу Нюрбийке

Автор: Асият Метеева

Газетни оьтген номерлеринде эсгерилгени йимик, бугюнгю макъала да Дагъыстан АССР къурулгъанлы 100 йыл битгенликге багъышлана.

Биз гележек заманлар учун оьз халкъыбызны тарихине абурлу янашма герекбиз. Оланы загьматы, уьстюнлюклери макътавгъа лайыкълы. Эрте йылларда уьлкебизде юрюлген социалист ярышларда колхозланы ва совхозланы загьматчылары ишде янгы уьстюнлюклеге етме чалышгъанлар. Гьар загьматчыны оьрлюгю сююмлю Ватаныбызны уьстюнлюгю бола гелген. Загьматчылар буса, юрт хозяйство малланы кёп этмек учун къаныгъывлу кюйде ишлегенлер.

СССР-ни Оьр Советини Президиумуну 1966–нчы йылны 30-нчу апрелинде чыкъгъан Указ булан картопчулукъну, овущчулукъну ва бавчулукъну оьсдюрювде етишген уьстюнлюклери саялы, Дагъыстан АССР-ни колхозларыны ва совхозларыны ишчилерини бир бёлюгю орденлер ва медаллар булан савгъатлангъан. Шоланы арасында Тотаюртда бала тереклер оьсдюреген савхозну ишчиси Нюрбийке Алиева да «Гьюрметлев белгиси» деген орден булан савгъатлангъан ва сав районгъа белгили болгъан.

«Мол тюшюм учун» деген район газетни 1966-нчы йыл 2-нчи июлда 79- нчу номеринде чыкъгъан «Звеночу Нюрбийке» деген макъалада булай деп эсгериле: «Нюрбийке Алиева совхозну бир номерли бригадасыны звеночусу болуп ишлейгени 10 йылдан да артыкъ бола. Нюрбийке башчылыкъ этеген звенону уьюрлери бавчулукъдан ва юзюмчюлюкден гьар йыл яхшы тюшюм ала. Шону натижасында совхоз пачалыкъгъа гетген йыл 500 центнерни орнуна 1843 центнер юзюм ва 210 центнер емиш сатмагъа болду».

Н.Алиева башчылыкъ этеген звеногъа 54 гектар юзюм ва терек бав гёрсетилген болгъан. Звенону уьюрлери партияны ХХIII съездини тарихи къарарларындан ругьланып, янгы бешйыллыкъны биринчи йылында юзюмню гьар гектарындан план булан белгиленген 50 центнерни орнунда 70 центнер тюшюм алмагъа токъташгъанлар ва шо планы толтурмагъа бажаргъанлар.

Совхозну дирекциясы Нюрбийке Алиеваны къайратлы загьматын гёз алгъа тутуп, ону бир нече керен савгъатлагъан ва суратын «Гьюрметлев такътагъа» ерлешдирген.

1966-нчы йылгъы газетде язылгъан кюйде, Нюрбийке Алиеваны совхозну ишчилерини арасында яхшы абуру болгъан. 1965-нчи йылгъы сайлавларда ону юртну загьматчылары район ва юрт Советлеге депутат этип сайлагъан. Ол халкъ оьзюне берген инамлыкъны кютмек учун чалышып ишлеген ва иш ярышларда гьар даим биринчилерден болгъан.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

6