-
Всего материалов:63
-
Самый ранний:13.03.2020
-
Самый поздний:13.04.2024
Найдено 63 объекта
13.04.2024
Ёкъ болсун террорчулукъ
Гёзель Моллаева,Бабаюртдагъы Б.Сатыбаловну атындагъы орта школаны 9 «а» класыны охувчусу
Терроризм — адамлагъа къоркъунчлукъ гелтиреген бек яман зат. Ону юреги ёкъ, намусун акъчагъа сатагъан адамлар эте. Террористлени гёзюне не уллу, не гиччи гёрюнмей. Оланы оьзлени агьлюсю, яшлары, ата-анасы болмагъандыр деп эсиме геле. Дагъы ёгъесе, бир гиччинев адам къылыгъы бар гиши вагьши ишлени этип болмас.
Гьали-гьалилерде Москвадагъы центрда болгъан иш мени бек къайнашдырды. Адамлагъа сан да гёрмей гёзлеп атышагъанлар олар оьлегенинден кеп ала эдилер. Оьлтюргенин оьлтюрюп, оьлтюрмегенлерин тунчукъдуруп гетгенлеге инсанлар деп айтмагъа ярамай.
12.04.2024
Мен террорчулукъгъа къаршыман
Анжела Магьмутова,Бабаюртдагъы Б.Сатыбаловну атындагъы орта школаны 9 «б» класыны охувчусу
Террорист буса — таш юрекли адам. Ону оюнда – кёп адамны оьлтюрмек, оьзюне халкъны тергевюн тартмакъ. Шолай террористлер гьали-гьалилерде бизин Ватанны тахшагьары Москвада вагьши кюйде бир гюнагьсыз адамланы яшавун къыркъды. Ахшам чакъда ял алайыкъ деп концертге гелгенлени хыйлысы оьлдю, сав къалгъанларыны буса о къыямат гюн бир де эсинден таймажакъ.
10.04.2024
Насипли Хасаева: "Террористлеге минг налатлар болсун!"
Москва областны Красногорск шагьарында бу йылны март айыны 22 –синде болгъан къайгъылы агьвалатлар районну халкъын къазапландырмай болмады. Тамазатёбелилер де "Крокус Сити Холл" деген концерт бинада болгъан вагьши ва намарт ишге байлавлу оьзлени пикруларын айтды.
09.04.2024
Районну халкъы терроризмге къаршылыкъ билдире
Москва областны Красногорск шагьарында бу йылны март айыны 22 –синде болгъан къайгъылы агьвалатлар районну халкъын къазапландырмай болмады. Тамазатёбелилер де "Крокус Сити Холл" деген концерт бинада болгъан вагьши ва намарт ишге байлавлу оьзлени пикруларын айтды.
05.04.2024
Загьматгъа берилген агьлю
Бизин гьалиги замандагъы яшавда узакъ йыллар бирче татывлу яшайгъанлар аз бар. Неге тюгюл, жагьил адамлар яшавдан гете яда буса бир багьаналар арагъа гирип, айырылмагъа тюше. Шо саялы 50 йылдан артыкъ яшайгъанланы бир-эки деп санамагъа болабыз. Бизин районда да гьар-бир юртда шолай татывлукъда бирге хыйлы йыллар оьмюр сюрегенлер бир-нече бар деп айтмагъа ярай.
Мен бугюн сизин Хамаматюртда яшайгъан бир агьлю булан таныш этмеге сюемен. Бадурдин ва Басийра Гьажимуратовлар бирче татывлукъда яшайгъаны 57 йыл бола.
05.04.2024
Берекетли сыкълашгъан ожакъ къургъан
Янгыхасаюртлу Пахурдин ва Дина Давутовлар 52 йылны узагъында ожакъда аминлик, дослукъ, татывлукъ ва сююв болдуруп, оьзгелеге уьлгю болуп яшайлар. Йыракъ 1972 — нчи йылны июн айыны 22-нде, эки сюйген уьйленип, татывлу, берекетли сыкълашгъан ожакъ къургъан. Олар дёрт яшны оьсдюрюп, олагъа тюз тарбия берип, билим алмагъа бары да имканлыкъланы яратгъан.
04.04.2024
Аслу ёлугъув оьтгерилди
Артдагъы агьвалатлагъа гёре, гьар шагьарда, гьар юртда игитлени сыдралары арта бара. Олар гьариси Ватаныны алдында оьз борчун кютюп, аминли болуп, Украина булангъы дазуда юрюлеген хас дав гьаракатгъа гетип, оьзлени къоччакълыгъын гёрсетелер. Районну бары да юртларыны олай батырлары бар десек дурус болур. Олар оьсюп гелеген яш наслугъа уьлгю болуп токътайгъанны унутмай, Ватанны якълаву учун этеген къошумлукъну эсде сакълама герекбиз. Бабаюртдагъы эки номерли орта школаны муаллимлери шо агьвалатлагъа байлавлу болуп, Россияны янгы къошулгъан регионларын азат этивде яраланып къайтгъан Завурбек Качетов ва Ринат Исмаиловну охувчулар булангъы ёлугъувгъа чакъырды.
04.04.2024
Терроризмге къаршылыкъ билдиребиз
Москва областны Красногорск шагьарында бу йылны март айыны 22 – синде болгъан къайгъылы агьвалатлар районну халкъын къазапландырмай болмады. Тамазатёбелилер де «Крокус Сити Холл» деген концерт бинада болгъан вагьши ва намарт ишге байлавлу оьзлени пикруларын айтды.
29.03.2024
Загьмат ёлу яш наслугъа уьлгю эди
Муаллим — охувчуланы билимлени дюньясына элтеген, ругь байлыгъы бар адам. Ону аслу борчу - яш наслуну тарбиялап, тюз ёлгъа салмакъ, оланы тергевюн тартып билмек. Бугюнгю макъалабызда оьз заманында, узакъ йылланы боюнда касбусуна амин болуп, къайратлы загьматы булан халкъ арада абур-сый къазангъан, бары да охувчуларын бир йимик къуршап бажаргъан ва оланы билимин артдырыв ва тюз ёлларда тарбиялав муратда чалышгъан Шихайбат Къурашевна Жумакъазиеваны гьакъында язма сюебиз.
22.03.2024
Тас болуп барагъан адатларыбызны, мердешлерибизни унутма къоймай
Адамны яшавунда маданият аслу ерни тута, неге тюгюл де ол адамны жан азыгъы деме ярай. Гиччиден тутуп агьлюде яшны яшавунда маданиятгъа агьамият берсе, оланы бирлери оьсгенде оьзлени театр, согъув алатлар, музейлер булан байламагъа гьасирет болуп, умутуна талпына. Шолайлыкъда бизин сагьнада бек пагьмулу, къаравчуну къурчун къандырагъан артистлер тувулунажакъгъа шек де ёкъ.
22.03.2024
Маданият тармакъны бажарывлу къуллукъчусу
Юрт ерлерде клубланы агьамияты ва пайдасы барны яхшы англайбыз. Совет девюрде кёплер онда барып, кинолагъа, концертлеге къарап, толу кюйде ял да алып, гёнгюн ача эдилер.
Совет девюр тозулгъандан сонг, чёрекни гьайын этип, адамлар жан талашывда экенге гёре, маданият ожакълагъа барагъанланы санаву да аз болду, кёп ерлерде олар бузулуп, биналарындан кюрчюлери де къалмады.
15.03.2024
Яшларын тюз ёллагъа салгъан агьлю
Бу йыл Россияны Презеденти Владимир Путинни Къарары булан Агьлюню йылы деп белгиленегени саялы, охувчуланы дослукъда — татывлукъда яшайгъан агьлюлер булан таныш этмеге сюебиз. Олай сыкълашгъан ва бирикген агьлюлер бизин районда да аз тюгюл, оланы арасында Тамазатёбе юртда яшайгъан Абдуллаевлени агьлюсюн эсгерме сюебиз.