Дагъыстанны лап да яхшы китапханасы
Хасавюрт районну баш китапханасы, 2020-нчы йылны гьасиллерине гёре, Дагъыстанны лап да яхшы китапханасы деп билдирилген.
Бизге билдирген кюйде, районну баш китапханасы республика оьлчевде оьтгерилеген гьар тюрлю конкурсларда гьаман да ортакъчылыкъ эте.
«Гетген 2020-нчы йылны гьасиллерине гёре, «Дагъыстанны юрт ерлеринде ерлешген лап да яхшы китапхана» деген конкурсда Хасавюрт районну баш китапханасы алдынлы ерни алды ва огъар Дагъыстанны маданият министрлигини гранты берилди», -- дей, шо гьакъда айта туруп, китапхананы директору Зульфия Абасова.
Дагъыстанны маданият министрлиги республиканы маданият идараларыны арасында лап да яхшысын белгилемек муратда шо меселдеги конкурсланы гьар йыл оьтгерегенни эсгермеге сюемен.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
