Меню
16+

Сетевое издание «Бабаюртовские вести»

11.03.2021 19:18 Четверг
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Йырчы Къазакъгъа багъышлангъан конференция оьтгерилди

Автор: Bab-vesti

Оьтген гюнлерде Бабаюртдагъы Б.Т.Сатыбаловну атындагъы эки номерли орта школаны ана тил ва адабият дарсларыны муаллимлери Гёзел Гьасанова ва Майминат Муратова 8-нчи класны охувчулары да булан, Дагъыстанны яшёрюмлерини ат къазангъан насигьатчысы, загьматны ветераны Яраш Агьматович Жумакъазиевни де чакъырып, Йырчы Къазакъгъа багъышлангъан конференция оьтгердилер.

Конференцияда чыгъып сёйлей туруп, Яраш Жумакъазиев шаирни гьакъында кёп агьамиятлы ва багьалы маълуматлар айтды. Яраш Агьматович, къумукъ халкъны биринчи шаири Й.Къазакъны эсгере туруп, ону аты дёрт тюрлю кюйде айтыла болгъанны: Йырчы, Сайит, Жийрен, Экатлы, ону агьлю яшаву, Устархан деген уланыны ва ол Бабаюртда гёмюлгенни гьакъында хабарлады.

Охувчу яшлар Я.Жумакъазиевни сёйлевюне бек тамаша тынглай эдилер. Шаирни гьакъында айтылагъан ону гьар сёзю яшланы юрегине уллу таъсир этди.

Конференцияны барышында Яраш Агьматович Й.Къазакъны гьакъында охувчулар берген соравлагъа толу кюйде жаваплар къайтарды.

Жыйынны ахырында, ол яшлагъа насигьатлар бере туруп, охувда уьстюнлюклер, элине, ата-анасына пайдалы болуп яшамакъны ёрады.

Жыйылгъанлар оьтгерилген конференциядан бек рази къалдылар ва Йырчы Къазакъны гьакъында кёп янгы маълуматлар билдилер.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4