Меню
16+

Сетевое издание «Бабаюртовские вести»

01.04.2021 16:54 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Даниял Исламов районну жамият къурумларыны ёлбашчылары булан ёлукъгъан

Автор: Bab-vesti

Районну ёлбашчысы Даниял Исламов артдагъы гюнлерде жамият къурумланы ёлбашчылары булан ёлугъув оьтгерди.

Ёлугъувда районну Жамият палатасыны ёлбашчысы Магьаммат Атаев, давну ва загьматны ветеранларыны Советини ёлбашчысы Абусалим Абсаламов, къартланы Советини ёлбашчысы Ягъуп Гьажиев ортакъчылыкъ этдилер.

Ёлугъувну барышында районну ёлбашчысы Даниял Исламов районну жамият къурумлары жамиятны гьакимият къурумлар булан ялгъайгъан уллу гюч болуп токътагъанны эсгерди.

«Жамият къурумлар бизин кёмекчибиз болуп токътамагъа герек. Неге тюгюл де, халкъны арасында болуп, оланы сююнчюн ва дертин сизден артыкъ ким биле? Эгер де биз районну жамият-экономикасын тындырыкълы кюйде алгъа юрютмеге сюе бусакъ, биз бары да гючюбюзню бирикдирмеге борчлубуз. Шону халкъ бизден де, сизден де талап эте. Шо саялы да мен сизин бирче ишлемеге чакъыраман», -- деди Даниял Исламов.

Ёлугъувда жамият къурумланы вакиллери гьар тюрлю четим масъалаланы гётердилер, оьзлени гюнлюк ишлери гьакъда лакъырлашдылар.

Давну ва загьматны ветеранларыны Советини ёлбашчысы Абусалим Абсаламов оьзюню сёйлевюнде Уллу Ватан давда жанларын къурбан этгенлени ва, давну акъубасындан чыгъып, парахат яшавда районну экономикасын гётеривде къайратлы загьмат тёкген давну ортакъчыларыны атларын даимлешдирмек муратда Бабаюртда къурулмагъа герек эсделик булан байлавлу юрюлюп турагъан ишлени гьакъында айтды, шо тарыкъ ишде къол ялгъагъаны саялы Даниял Исламовгъа оьзю ёлбашчылыкъ этеген жамият къурумну уьюрлерини атындан баракалла билдирди.

Ёлугъувну гьасиллирин чыгъара туруп, Даниял Исламов жамият къурумланы ёлбашчыларына районну гёнгюллю ишлери саялы разилигин билдирди ва халкъ учун этилеген ишлерде ол гьаман да олагъа кёмекчи болажакъны ташдырды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

9