Камил Герейханов чемпионну белбавуна ес болгъан
Камил Герейханов Москвада къайдасыз ябушувлардан оьтгерилген Халкъара турнирде алдынлы ерге ес болгъан.
Ярышларда Бабаюрт районлу кочап Камил Герейханов 84 кило авурлукъда тогъа тартгъан ва ол оьзюню эришин алданокъдан утмагъа бажаргъан.
Ярышланы гьасиллерине гёре, Камил Герейхановгъа чемпионну белбаву ва кубок тапшурулгъан.
Камил Герейханов Бабаюрт районну Тотаюртунда тувгъан ва мунда къайдасыз ябушувлар булан машгъул болгъан. Ол артдагъы йылларда самбо ябушувдан эки керен Дюньяны кубогуна ес болгъан, шо ябушувдан Москваны ва Россияны чемпиону, Россияны спортуну устасы да дюр.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
