Ёлдаш» газетни ёлбашчысы Рустам Жалакъов коронавирусгъа къаршы вакцина этдирген
Бугюн республиканы маълумат къуралларыны ва республиканы газет-журнал чыгъарыв идараларыны къуллукъчулары коронавирусгъа къаршы вакцина этивни биринчи бёлюгюнден чыкъгъанлар.
Вакцина этдирмек учун республиканы мухбирлерине «Дагъыстанны яшёрюмлери» деген газетни залында ер онгарылгъан болгъан.
Ери гелгенде, вакцина этдиргенче алдын бары да мухбирлер толу тергевден чыкъгъанны, оланы къаркъарасыны иссилиги ва къанына гьава етишегенлиги тергелгенни эсгермеге ярай.
Оьзюню иш ёлдашлары булан булан бирге вакцинаны «Ёлдаш» газетни ёлбашчысы Рустам Жалакъов да этдирген.
Вакцина этдирген сонг, къумукъланы баш гезитини ёлбашчысы Рустам Жалакъов оьзюн арив гьис этегенни билдирген.
«Вакцина этдирген сонг, къаркъарамны гьалы алышынмады. Гьалым да яхшы. Шондан биревге де тартынма тарыкъ тюгюл», -- дей Рустам Жалакъов.
«Дагъыстанны яшёрюмлери» деген газет билдирген кюйде, вакцина этдирмеге сюегенлер кёп болгъан. Амма тергевлерден оьтген сонг, докторлар бирлерине вакцина этдирмеге ихтияр бермеген, бир нечев буса, вакцинадан сонг уьч гюнню боюнда ички ичмек къаршыланмайгъанны билгенде, етишип гелеген байрамны да гьисапгъа алып, оьзлер сюймегенлер.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
