Меню
16+

Сетевое издание «Бабаюртовские вести»

  • Всего материалов:
    54
  • Самый ранний:
    13.03.2020
  • Самый поздний:
    22.03.2024

Сортировать по

Поиск по дате

Найдено 54 объекта
22.03.2024

Тас болуп барагъан адатларыбызны, мердешлерибизни унутма къоймай

Адамны яшавунда маданият аслу ерни тута, неге тюгюл де ол адамны жан азыгъы деме ярай. Гиччиден тутуп агьлюде яшны яшавунда маданиятгъа агьамият берсе, оланы бирлери оьсгенде оьзлени театр, согъув алатлар, музейлер булан байламагъа гьасирет болуп, умутуна талпына. Шолайлыкъда бизин сагьнада бек пагьмулу, къаравчуну къурчун къандырагъан артистлер тувулунажакъгъа шек де ёкъ.
22.03.2024

Маданият тармакъны бажарывлу къуллукъчусу

Юрт ерлерде клубланы агьамияты ва пайдасы барны яхшы англайбыз. Совет девюрде кёплер онда барып, кинолагъа, концертлеге къарап, толу кюйде ял да алып, гёнгюн ача эдилер. Совет девюр тозулгъандан сонг, чёрекни гьайын этип, адамлар жан талашывда экенге гёре, маданият ожакълагъа барагъанланы санаву да аз болду, кёп ерлерде олар бузулуп, биналарындан кюрчюлери де къалмады.
15.03.2024

Яшларын тюз ёллагъа салгъан агьлю

Бу йыл Россияны Презеденти Владимир Путинни Къарары булан Агьлюню йылы деп белгиленегени саялы, охувчуланы дослукъда — татывлукъда яшайгъан агьлюлер булан таныш этмеге сюебиз. Олай сыкълашгъан ва бирикген агьлюлер бизин районда да аз тюгюл, оланы арасында Тамазатёбе юртда яшайгъан Абдуллаевлени агьлюсюн эсгерме сюебиз.
01.03.2024

Ана тил – дюнья байлыгъыбыз

Ана тил, ана Ватан… Яшлар гиччиден дюньяны байлыгъы, халкъны жанлы ругьу ана тилинде сёйлеп башлай. Сонгунда да ол гьар адамны яшавунда агьамиятлы ерни тута. Шо саялы, ону абурун артдыра туруп, ана тиллени гюнюн уллу байрам гьисапда оьтгермеге тюше.
01.03.2024

Агьлюсю оланы байлыгъы ва сююнчю

Эл арада болгъур деген асил агьлюлер бизин гьар юртубузда да бар. Шолай агьлюлер Татаюртда да аз тюгюл. Гьажи ва Ибадат Гьажиевлер бирче агьлю къуруп яшайгъанына 49 йыллар бола.
01.03.2024

Унутулмас гюнлер

Йыллар гетди, йылланыки не болсун?Яшлыкъ оьтдю ташгъыныдай тавланы.Ёлдашларым, бирге ишлеген яш йыллар,Юрек излей, гёрме сююп оланы Бу сатырланы мен негьакъ язмагъанман. Оьтген асруну 1968-1969-нчу йылларында Райком комсомолну бакъдырывуна гёре, мен Бабаюртдагъы школа-интернатгъа пионер къурумну башчысы этилип белгилендим. Интернатда айланадагъы тав къотанлардан къайры да, Бабаюртну оьзюнден гелген яшлар ва къызлар да бар эди.
02.02.2024

Юрт хозяйство тармакъны уьлгюлю загьматчысы

Алдан берли юрт хозяйство тармакъда ишлейген ашлыкъ болдурувчу- лар абурлу ва сыйлы касбуну адамлары деп санала гелген. Шоланы арасында трактор гьайдавчулар айрокъда макъ- тавгъа лайыкълы деме ярай. Неге десе де, олар тангны ярыгъындан ахшам къашкъаралгъанча, янгургъа, яллавгъа къарамайлы, авлакъда ишде болалар. Оланы къайратлы загьматына гёре ана топуракъ ашлыгъын да къызгъанмай.
26.01.2024

Фельдшер касбусуна амин Гьабсат

Савлукъ сакълав тармакъда чалышагъанлагъа биз «акъ халатлы малайиклер» деп негьакъ айтмайбыз. Даим де олар бизин савлугъубузну гьайын эте, герек буса, тез етишип гелмеге де гьазир. Тотаюрт больницада «Скорая помощь» машинде фельдшер болуп ишлейген Гьабсат Байсайитова медицина къуллукъчу болмагъа яшдан гьасирет болгъан.
26.01.2024

Татывлу агьлю къуруп яшайлар

Россияны Президенти Владимир Путинни Къарарына гёре бу йыл савлай уьлкебизде “Агьлюню йылы” белгилене. Агьлю жамият яшавда лап да оьр ерни тута. Неге тюгюл де, агьлюде насип, сююв, бирлик, татывлукъ ва берекет болса, пачалыгъыбыз тюзелген деп айтмагъа болабыз. Гележегибиз ярыкълы ва талайлы болажакъ деп инанмагъа гьагъыбыз бар. 
26.01.2024

Ватанны герти якълавчулары ва патриотлары

Аттутаровланы тухумун танымайгъанлар Тамазатёбе юртда чы нечик де, Бабаюрт районда да кёп аздыр. Бу тухумну вакиллери юрт хозяйство, билим берив, савлукъ сакълав тармакъларда чалышалар. Тухумну башы Алипхан Мажитович - Уллу Ватан давну ортакъчысы. Ол Уллу Уьстюнлюкню алып, тёшюн дав савгъатлардан безеп, ата юртуна къайтгъан. Давдан сонг юртдагъы колхозда, сонггъа таба совхозда ишлеп, загьмат булан юрт хозяйство тармакъда оьмюрюн йиберген. Ону иниси Шихали де, Уллу Ватан давда ортакъчылыкъ этип, дав савгъатлагъа лайыкълы да болуп, ата юртунда загьматгъа къуршалгъан гьюрметли тамаза болгъан.
18.07.2023

Яшав чыныкъдыргъан Изагьат

Изагьат Гьажибатыровна ХЕСМИКОВАНЫ Татаюртда танымайгъан адам ёкъдур. Ол — оьзюню къурч загьматы булан юртлуланы арасында тезден абур да, сый да къазангъан асил тиштайпа. Бугюнлерде Изагьат бажив 90 йыллыгъын къаршылай.
18.07.2023

Атлары юрекде яшай

Йыллар оьтюп, алышынды дёвюрлер, Аякъ басмай къалды тюзню тёрлери. Жумла халкъы топуракъгъа дёнген сонг, Гюе талап, чирий чюйде бёрклери. Бу дёртлюкню гьабас язмагъанман. Неге десегиз, арадан нечакъы йыллар гетсе де, оьзюм охугъан юрт мактапдагъы яш йылларым, бир класда охугъан ёлдашларым, охутгъан муаллимлерим унутулмай. Оьрде эсгерген кюйде, оланы авадан пайы дюньяда ёкъ, буса да, ярыкъ келпетлери, юрюшлери, кюлкюлери гёз алдымдан таймай. Мен мактапгъа биринчилей охума баргъан гюнден берли бу йыл 67 йыл тамамланды. Гёресиз, шондан берли нечакъы агъым сувлар денгизге тёгюлген. Бизин охутгъан муаллимлерден экевю сав.