Талатгюн, 14 –нчю мартда, Бабаюрт район администрацияны жыйынлар оьтгерилеген залында Дагъыстанны Гьукуматыны ёлбашчысы Абдулмуслим Абдулмуслимов республиканы темиркъазыкъ боюндагъы районланы ёлбашчыларыны, юрт хозяйство тармакъны къуллукъчуларыны ва шо тармакъгъа жаваплы къуллукъланы вакиллерини ортакъчылыгъы булан генглешген жыйын оьтгерди. Жыйынны аслу темасы республикада язбашгъы авлакъ ишлени башланывуна гьазирлик гёрюв болуп токътады.