1 номерли Львовский юртда янгы школаны къурулушу башланажакъ
Львовский юртдагъы эсги школаны минасы
Бабаюрт районну 1 номерли Львовский юртунда 216 яшгъа гьисап этилген янгы уьч къабатлы школаны къурулушу башланажакъ.
Башлапгъы гьисаплагъа гёре, къурулушну багьасы – 325 миллион манат.
Билдирилеген кюйде, бугюнлерде школа тендерге салынгъан. Школада дарслар бир гезикде юрюлежек. Охувчулар саялы школада бары да онгайлыкълар, шону ичинде оьр класланы охувчулары аш этивге, тигивге, гьар тюрлю усталыкъгъа уьйренмек учун шартлар яратылажакъ.
Школаны къурулушу бу йыл башланажакъ ва янгы школа охувчулары учун эшиклерин 2023-нчю йылны июн айына ачажакъ деп къаравуллана.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
