Бабаюрт районну яшларына янгы охув йылны алдында кёмек этилежек
«Россияны аналары» деген кёмеклешив фонд Бабаюрт районну яшларына янгы охув йылны алдында кёмек къолун узатажакъ.
Билдирилеген кюйде, «Яшланы школагъа гьазирлейик» деген чараны барышында яшав гьаллары осал уьягьлюлерде тарбияланагъан 150-ден де къолай яшгъа школагъа тарыкъ маллардан жыйылгъан жыйымлар берилежек. Чараны къурумчуларыны пикрусуна гёре, шолайлыкъда яшав гьаллары осал уьягьлюлерде тарбияланагъан яшлар оьзлени тенгилилери йимик школагъа толу кюйде гьазирлик гёрмеге болажакълар.
Эсгерилеген кюйде, савлай Дагъыстанда шо чарада 2 мингден де артыкъ яшланы оьзюню айланасына къуршажакъ.
Ери гелгенде, Бабаюрт район администрацияны ёлбашчысы Даниял Исламовну сиптечилиги булан артдагъы 2 йылны шолай чара район оьлчевде оьтгерилип турагъанны эсгермеге ярай. Гьакъыкъатда, гьар йыл 50-ден де артыкъ яш школагъа тарыкъ мал-матагь булан таъмин этилип тура.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
