Меню
16+

Сетевое издание «Бабаюртовские вести»

05.08.2021 18:01 Четверг
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Олимпиаданы алтын медалын алгъан Альберт

Автор: Гёзел Гьасанова

Токиода Олимпия оюнлар оьтгерилип тура. Онда бизин районлу улан Альберт Батыркъазиев ортакъчылыкъ этегени бары халкъгъа белгили. Бугюн бизин район ва гьатта савлай уьлкебиз Альбертни ортакъчылыгъын къаравуллай эди. Ол да оьзюню элин ер этмеди ва Олимпия оюнланы чемпиону болуп чыкъды.

Беш йыл артда Альберт спортну башгъа тайпасы булан машгъул эди. Ол спорт ёлун кикбоксинг булан башлагъан ва ондан да кёп ерлерден уьстюнлюклер алып гелген. Тек Альберт он сегиз йыллыкъ чагъындан берли Олимпия оюнланы чемпиону болмагъа гьасирет болгъан саялы, боксгъа чыкъгъан ва бир де янгылышмагъан, неге тюгюл бугюн А.Батыркъазиев бизин уьлкени бютюн дюньягъа белгили этип, боксдан чемпион болду.

Альберт Батыркъазиев ½ финалда дюньяны уьч керенли чемпиону кубалы Ласаро Альварес булан ёлукъду ва бир аз заманны ичинде ондан уьст болду. Финалда да Альберт булан чегелешмеге америкалы Дюк Рэген чыкъды.

А.Батыркъазиевге, ½ финалда йимик, жыйылмагъа бираз заман тарыкъ болду. О мюгьлетде Рэген огъар уруп турду, тек Альберт къызышып ябушуп йибергенде, америкалы спортчугъа ондан къачмагъа тюшдю. Тогъа тартыв бек къызгъын кюйде юрюлдю. Ябушувну биринчи гесегинде Альберт ачыкъдан утду. Экинчи гесекде Альберт Рэгенге ябушмагъа имканлыкъ берди, буса да ол шону булан да чыкъдан пайдаланып болмады. Уьчюнчю гесекде Альберт Батыркъазиев оьзюн къолуна алды ва ябушувну ахырына ерли ол чегелешине утмагъа имканлыкъ бермеди. Тогъа тартыв 3:2 санавлар булан Альберт Батыркъазиевни пайдасына тамамланды ва ол, районубузну тарихинде биринчилей болуп, Олимпия оюнланы чемпиону болду.

А.Батыркъазиев ½ финалдан сонг, мухбирлени соравларына жавап бере туруп, финалдан алда оьтгерген ябушувланы гьакъында булай жавап берген эди: «Ябушмагъа башлагъанлы мени булан чегелешеген уланлар бири-биринден гючлю боксёрлар эди. Мен бугюнгю уьстюлюгюме етишежегиме де шеклик эте эдим. Гьар адамны йимик, мени де утагъан ва утдурагъан мюгьлетлерим болгъан. Тек мен Олимпия оюнлагъа утмакъ мурат булан гелгенмен ва шо мурадыма етишермен деп эсиме геле. Мени булан ябушагъан уланлагъа да уьстюнлюклер ёрайман».

Гёрюнюп турагъан кюйде, Альберт, мурадына етишип, атасын оьктем ва анасыны юрегин шат этди, Россияны, Дагъыстанны, районну танг уланы экенни гёрсетди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

35