Меню
16+

Сетевое издание «Бабаюртовские вести»

10.03.2023 08:43 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!
Выпуск 11 от 08.03.2023 г.

Сююнч кагъызланы пайлайгъан почтальон

Автор: Гёзел Гьасанова

Гьалиги заманда, Интернетни оьсювюне де къарамайлы, почта асувлу деп санала. Адамланы бирлери гьали де кагъызлар ва посылкалар йибере, газетлер, журналлар ала.

Почтаны къуллукъчулары уллу шагьарда онча гёрюнмей, тек юрт яшавда олар бек тарыкълы адамлар. Бабаюртдагъы почтада ишлейген почтальон къатынланы иши бек къыйын. Оланы иши эки аякъны уьстюнде. Бизин юртдагъы почтальон къатынлар бири-биринден арив ишлейлер. Шоланы арасындан юртдан юртгъа гелип ишлейген Айшат Абдуллаевна Атаеваны эсгермеге сюебиз.

А.А.Атаева 1960-нчы йылда 9-нчу апрел- де Мужукъайда тувгъан. Ата юртдагъы шко- ланы битдирип, бухгалтер болмакъ учун охумагъа тюшген. Айшат тюрлю-тюрлю тармакъларда чалышгъан, гьатта 1 йыл бухгалтер болуп да ишлеген. 2004-нчю йылдан гьалиге ерли Бабаюртдагъы почтада почтальон болуп ишлей. Кагъызланы, газетлени сайлап салгъан сонг, сумкасын инбашына да илип, почтаны оьлешмеге чыгъа. Орамдан орамгъа тюшюп юрюй туруп, ахшамгъа гьалдан-гьавкъатдан тайып, ишин битдирип къайта. Айшат эсгерген кюйде, юртлуланы арасында газетлер, журналлар охуйгъанлар — уллу чагъына етишгенлер, пенсиягъа чыкъгъанлар. Гьалиги янгылыкъланы интернетден билмеге сюеген яшёрюмлерден эсе, къартлар кагъызгъа язылгъан янгылыкъланы охумагъа кёп сюе. Шо саялы да дюньяда, республикада, районда не болуп турагъанны билмеге сюеген пенсионерлеге газетлени, журналланы заманында етишдирмек — почтальонланы аслу борчу. Айшат буса шо борчун бек намуслу кюйде кюте. Ол почтаны гелгендокъ есилерине етишдирмей туруп, уьюне къайтмай. Шолай гьар гюн: биревлеге янгы газетлени, журналланы, бирдагъыларына – извещениелени етишдире.

Айшат ишин эпсиз кёп сюе. Ол иш ёлдашларыны да, халкъны да абурун къазангъан. Айшат — бек насипли ана. Оланы агьлюсю эпсиз татывлу яшайгъан агьлюге санала. Айшатны беш де авлети анасын оьтесиз сюе ва огъар гьюрмет этелер. Ону авлетлерини яшлары да улланасын оь- злени насигьатчысыдай гёре. Айшат да ола- ны гьар заман тюз ёллагъа сала.

Биз Айшат Абдуллаевнаны байрам бу- лан гьакъ юрекден къутлайбыз. Яшавунда къатты савлукъ, авлетлерини яхшы ишле- ринден сююнюп яшамакъны ёрайбыз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

75