Львовский орта школада къумукъ тилден ачыкъ дарс оьтгерилди
Яшланы патриот ругьда тарбиялав, тил оьсдюрюв, оьз юртуна, оьз элине сюювню исиндирив муратда Львовск орта школаны 3 «а» класыны муаллими Нюржагьан Азаматова «Магьаммат Атабаев. Къумукъ элим» деген ачыкъ дарс оьтгерди.
Дарсны барышында ол яшланы шаирни яратывчулукъ ёлу балан таныш эте туруп, булай дей:
-Дагъыстанны халкъ язывчусу, къумукъланы белгили шаири Магьаммат Атабаев 1938 – нчи йылда Хасавюрт районну Яхсай юртунда тувгъан. Ол Москвадагъы М. Горькийни атындагъы адабият институтну битдирген сонг «Ленин ёлу» газетни, Дагъыстан китап басмаханасында адабият къуллукъчусу ва «Дослукъ» (Тангчолпан) адабият журналны редактору болуп да загьмат тёкген.
Магьаммат Атабаевни башлапгъы шиърулары 1957-нчи йылда газетлерде чыгъа. Биринчи «Излей къалгъанман» деген китабы 1963-нчю йылда чыкъгъан. Ону басмаханадан «Ёлда», «Урлангъан ажжал», «Ант», «Турналар», «Мени къурдашым», «Ёлтабар», «Намуслу сёз» деген китаплары да чыкъгъан.
М. Атабаев драма асарлар да яратгъан: «Алтын къаз», «Вёрегиз, инсанлар, вёрегиз!». Шо пьесалар къумукъ театрны сагьналарында ойналгъан ва уьстюнлюк алгъан.
Ону асарлары рус тилге гёчюрюлген, сююв, ватандаш, философия лирикагъа багъышлангъан ва уллу пагьму булан яратылгъан.
Магьаммат Атабаев 2017-нчи йыл 18-нчи октябрда гечинген.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
