Районну халкъы терроризмге къаршылыкъ билдире
Москва областны Красногорск шагьарында бу йылны март айыны 22 –синде болгъан къайгъылы агьвалатлар районну халкъын къазапландырмай болмады. Тамазатёбелилер де "Крокус Сити Холл" деген концерт бинада болгъан вагьши ва намарт ишге байлавлу оьзлени пикруларын айтды.
Рашит Къурмасов, загьматны ветераны.
--Москва бойда "Крокус Сити Холл" деген центрда болгъан къайгъылы агьвалатланы гьакъында эшитгенде, рагьат, парахат турмагъа болмадым. Бу дазусу ёкъ яман намарт иш адамланы титиретди, абдыратды, улутду. Гюнагьсыз адамланы жанын къыркъып, кёплерине яра салып, вагьши иш этген къурумсакълар ва жинаятчылар законгъа гёре къатты кюйде такъсырланмагъа герек. Террористлер яман муратларына етишмеди. Олар оьзлени намарт иши булан халкъ арада пелекет ва къоркъув яймагъа сюе эди. Россияны барыда халкъы бир болуп террористлеге ва жинаятчылагъа къаршылыкъ билдирди. Бизин пачалыкъгъа къоркъув берип, ону тюз ёлундан къайтармагъа бир гючде ёкъ. Бизин дослугъубуз ва бирлигибиз террористлеге къаршы инамлы савутубуз ва гючюбюз болуп токътай. Бугюнлерде биз Россия Федерацияны халкъларыны арасындагъы бирликни ва дослукъну гёзюбюзню бебейидей сакъламагъа герекбиз. Бирикген эл енгилмес деп бизин ата — бабалар негьакъ айтмагъан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
