Даниял Исламов районну ватандашларын Ораза-байрам булан къутлагъан

«Районну гьюрметли ватандашлары! Аявлу агъа-инилер ва къызардашлар!

Мен сизин гьакъ юрекден сыйлы Рамазан ай битгени ва етишип гелген Ораза-байрам булан къутлайман.

Шу шатлы гюнлер сизин ожакъларыгъызгъа парахатлыкъ ва аманлыкъ алып гелсин. Ислам динибизни лап да гёрмекли байрамларыны бирисине саналагъан Ораза-байрам халкъны арасына бирликни, жамиятда яхшылыкъны, адилликни, сюювню ва гьюрметни токъташдырывгъа къошум этсин, гьарибизни юреклерибизге ярыкъ умутлар, тангалабызгъа къатты инаныв берсин.

Шу уллу байрамны алдында мен гьакъ юрекден гьар уьйге, гьар ожакъгъа иссилик ва сююнч, разилешив ва аманлыкъ гелмекни ёрамагъа сюемен!», -- деп айтыла районну ёлбашчысыны къутлавунда.