«Ёлдаш» бизин районда къонакълыкъда
Талатгюн, 30-нчу ноябрде, бизин районгъа къонакълыкъгъа «Ёлдаш» газетни баш редактору Гебек Къонакъбиев, бёлюклени ёлбашчылары Къарамагьаммат Къараев ва Яраш Бийдуллаев гелген эди.
Олар районну башы Даниял Исламов булан ёлугъуп, районну аслу маъсалаларыны гьакъында лакъырлашыв юрютдю. Районну башы гелгенлеге йылны ичинде не масъалалар чечилгенни, тюрлю-тюрлю программалагъа гёре не ишлер этилгенни ва гелеген йылгъа алдына салынгъан муратланы гьакъында айтды.
Гебек Къонакъбиев районда этилге ишлени эсгерди ва гележекде Даниял Исламовгъа уьстюнлюклер ва муратларына етишмекни ёрады.
«Ёлдаш» газетни баш редактору къумукъ тилде чыгъарылагъан газетге язылывну масъаласын да арагъа чыгъарды. Даниял Исламов район ва республика газетлер къумукълар учун тюгюл, савлай районну халкъы учун да бек агьамиятлы экенни ва олар булан байлавну уьзмеге ярамайгъанны айтды.
Гелгенлер район газетни редакциясыны ёлбашчысы ва къуллукъчулары булан да ёлугъув оьтгерди. Оьзлени исси къаршылагъаны саялы баракалласын билдирдилер.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
