Ана тил – дюнья байлыгъыбыз
Ана тил, ана Ватан… Яшлар гиччиден дюньяны байлыгъы, халкъны жанлы ругьу ана тилинде сёйлеп башлай. Сонгунда да ол гьар адамны яшавунда агьамиятлы ерни тута. Шо саялы, ону абурун артдыра туруп, ана тиллени гюнюн уллу байрам гьисапда оьтгермеге тюше.
Бабаюртдагъы Б. Сатыбаловну атындагъы эки номерли орта школада о гюн уллу байрамланы бириси деп санала. Ана тилден дарс береген муаллимлер Гёзел Гьасанова ва Майминат Мурадова гьар йыл Ана тиллени гюнюне бек тындырыкълы кюйде онгарыла. Бу йыл да олар бек къужурлу программа къургъан эдилер.
Яшлар ана тилинде шиърулар айтып, йырлар йырладылар. Ондан къайры да охувчулар аналары булан бирге команда къуруп, «Не? Къайда? Къачан?» деген оюн оьтгердилер. Олар ана тилни нечик билегенни аян этмек учунгъу бу оюнда, 1-нчи ерге Раиса Вагаева ва ону къызы Милана да, къардаш уланы Али де, 2-нчи ерге буса Зульфия, къызы Камилла ва уланы Темирлан Зубакъовлар, 3-нчю ерге Динара, къызы Зулайбат ва уланы Марат ес болдулар. Олагъа Грамоталар ва китаплар савгъат этилди.
Шулайлыкъда, къумукъ тилге гьар агьлюде нечик агьамият берилегени исбатланды. Ана тиллеге багъышлангъан байрам бек арив оьтдю.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.