Насипли Хасаева: "Террористлеге минг налатлар болсун!"
Москва областны Красногорск шагьарында бу йылны март айыны 22 –синде болгъан къайгъылы агьвалатлар районну халкъын къазапландырмай болмады. Тамазатёбелилер де "Крокус Сити Холл" деген концерт бинада болгъан вагьши ва намарт ишге байлавлу оьзлени пикруларын айтды.
Насипли Хасаева, педогогика ишни ветераны
-Мен ана, уллана, муаллим гьисапда рагьмусуз ва вагьши агьвалатлагъа къарап, юрегим авруй, оьзлюгюнден гёзьяшларым агъа. Шо гюн концерт залда ял алмагъа гелген адамлагъа "къыямат гюн" тувуп къалгъан. Бугюнлерде оьлгенлени ва яралангъанланы санаву гюн сайын артып, 700 адамгъа ювукъ болгъан. Оланы арасында яшлар барны билгенде, оьтесиз къыйналдым. Парахат заманда яшлар оьлмеге тюшмей. Яшланы ва уллуланы яшавгъа магьрюм этген террористлеге минг налатлар болсун.
Ювукъ адамларын тас этип, къайгъы басгъан агьлюлеге чыдамлыкъ, сабурлукъ, рагьмулукъ ёрай туруп, олагъа сизин къайгъыгъызны пайлап алып, юрек бирлигибизни билдирмеге сюемен.
Бугюнлерде биз бирикмеге ва сыкълашмагъа герекбиз. Шо заманда халкъыбызгъа бир гючде тогъас салып болмас.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
