Статьи

Юлдуз ГЕБЕКОВА,Бабаюртдагъы Б.Сатыбаловну атындагъыорта школаны 9 «в» класыны охувчусу Терроризм- бек къоркъунчлукъ, яманлыкъ, оьлтюрюв деген зат. Бу дюньяда террористлер лап яман адамлар. Олар сан да гёрмейли, уллу-гиччиге къарамайлы, адамланы оьлтюре. Бир гюнагьсыз яшап турагъан гиччипавланы оьлтюрмеге къолу гётерилген адамдан адам болмай. Гьали-гьалилерде Москвада болгъан террактда оьлген яшланы санаву да террористлени юреги ёкъгъа шагьатлыкъ эте. Неге тюгюл, бир затсыз олтуруп концертге къарап турагъан яшлагъа да, уллулагъа да гёзлеп автомат булан атышып башлагъан адамланы юреги боламы? 

Бриллиант ДАВЕТОВА,Бабаюртдагъы Б.Сатыбаловну атындагъыорта школаны 10-нчу класыны охувчусу Терроризм — дюньяда алдан берли болуп гелген. О – адамланы ожакъларына къайгъы гелтиреген бек уллу жинаятчылыкъ. Терроризм гьар-тюрлю якълардан геле, тек оланы барысыны да ахыры бир – гюнагьсыз адамланы оьлтюрюв. Уьлкеде болгъан терактларда минглер булан адамлар оьлген. Лап да гючлюсю 2004-нчю йыл Бесланда болгъан. Ону этгенлер чи юрексизлер деп айтмагъа боламан. Неге тюгюл олар 1-нчи сентябрде яшлар, оланы ата-аналары, муаллимлер жыйылып охув йылны башланывуна багъышлангъан байрам оьтгерип турагъанда, школаны къуршап алып, онда жыйылгъанланы уьч гюнню узагъында къыйнап, кёбюсюн оьлтюрдю. 

Арт вакътиде бизин райондан чыкъгъан яш спортчулар Россия оьлчевдеги ярышларда алдынлы ерлеге лайыкълы болагъаны бизин сююндюрмей ва къувандырмай болмай. Яш спортчулар къайда яшаса да, анадаш республикасын, оьз районун ва ата юртун унутмай. Олар оьзлени оьрлюклерин ва уьстюнлюклерин гиччи Ватанына багъышлай. Оьтген гюнлерде йыракъ Темиркъазыкъ бойларда ерлешген Нижневартовск шагьардан сююнч хабар гелди.

Россия Асгер булан дыгъар байлап, хас дав гьаракатда ортакъчылыкъ этегенлени санаву гюн сайын арта бара. Ватанны герти якълавчулары гьисапда, олар антына амин болуп, бизин пачалыкъны къоркъунчсузлугъун ва парахатлыгъын къоруп сакълай. Олай уланланы сиягьына бугюнлерде тамазатёбели 23 йыллыкъ Ренат Ягьияевни къошмагъа толу ихтиярыбыз бар.

Дюньяда пагьмулу адамлар кёп бар. Оланы гьарисини оьз ёлу къайсы буса да бир тармакъда аян бола, бирлери буса пагьмусун чыгъармагъа уялып, яшавун йибере. Амма тувгъандан берилген пагьмуну яшырма болмай. Айрокъда йырлама бажарагъанлар, жагьил заманындан тутуп белгили болуп башлай. Бугюн мен сизин бек пагьмулу йыравлар уланкъардаш-къызардаш булан таныш этмеге сюемен. Олар яш заманындан берли йырлап, Дагъыстандан тышда да белгили болгъан Зайнап ва Зайырбек Магьатовлар.

Юрт хозяйство тармакъда ишлеп, къайратлы загьматы булан анадаш районуну жамият- экономика оьсювюне оьз къошумун этгенлеге гьюрмет ва абур тийишли. Гьалал къыйыны булан насибин тапгъанлар бизин арабызда да аз тюгюл. Макъалабызны игити, мелте чагъындан башлап яшавун загьмат булан йиберген Барият Салаватова шолай тайпаланы бириси.